रॉकेट लॉन्चर आणि मिसाईल संशोधनाची माहिती पाठवली पाकिस्तानात
Published On : 8 Jun 2023साझा करें:
डीआरडीओचा शास्त्रज्ञ व आरएसएसचा पिट्टू डॉ. प्रदीप कुरूलकरची हेरगिरी भारताच्या मुळावर
पुणे: पाकिस्तानी महिलेच्या मोहात अडकून भारतीय संरक्षण विभागाची अतिशय गोपनीय माहिती व कागदपत्रे देणार्‍या डीआरडीओचा शास्त्रज्ञ व आरएसएसचा पिट्टू डॉ. प्रदीप कुरूलकरने रॉकेट लॉन्चर आणि मिसाईल संशोधनाची माहिती पाकिस्तानात पाठवल्याचे उघड झाले आहे. त्यामुळे कुरूलकरची हेरगिरी भारताच्या मुळावर आली आहे.
दरम्यान, कुरूलकरचा येरवडा कारागृहातील मुक्काम वाढला आहे. जप्त मोबाईचा पासवर्ड लक्षात येत नाही असे नाटक करणार्‍या कुरूलकरला आतलाच कोणीतरी सहकार्य करत असल्याचे लक्षात आल्याने सर्व सूत्रे फिरली. कोठडीची मुदत संपण्याच्या आदल्या दिवशी तपास पथकाने अर्ज करत कोठडी वाढवण्यासाठी अर्ज केला होता. मात्र सुनावणी करणारे न्यायाधीश सत्यनारायण नावंदर यांची बदली झाल्याने त्यांच्या समकक्ष न्यायालय नसल्याने तो अर्ज परत पाठवल्याचे सांगण्यात आले.
डीआरडीओ दिघी येथील कुरूलकरने भारतीय संरक्षण दलाची गोपनीय माहिती शत्रू राष्ट्राच्या हाती दिल्याने ३ मे रोजी गुन्हा दाखल करून एटीएसने अटक केली होती. अटकेनंतर जवळपास १५ दिवसांपासून येरवडा कारागृहात असलेला कुरूलकर तपास यंत्रणेला मदत करत नसल्याचे समोर येत आहे. कुरूलकरने रॉकेट लॉन्चर आणि मिसाईल संशोधनाची माहिती पाकिस्तानात पाठवल्याचे उघड झाले आहे.
एटीएसने अटक केल्यानंतर जप्त केलेल्या तीन मोबाईलपैकी एका मोबाईलचा लॉक पुण्यातील फॉरेन्सिक लॅबकडून उघडला जात नसल्याचे समोर आले आहे. कुरूलकर त्याचा पासवर्ड लक्षात नसल्याचे नाटक करत असून तपास यंत्रणांची दिशाभूल करताना दिसत आहे. जप्त करण्यात आलेल्या एका मोबाईलमध्ये पाकिस्तानी लिंकचे पुरावे असून, त्याचा लॉक उघडण्यासाठी बंगळुरू फॉरेन्सिक लॅबकडे पाठवण्याची परवानगी द्यावी, याशिवाय जप्त केलेल्या हार्डडिस्क त्या लॅबमध्ये पाठवून येथील लॅबने दिलेला अहवाल मॅच होतो का? हेदेखील तपासले जाणार असल्याचे सांगण्यात आले. कुरूलकरचे नवनवे कारनामे तपास यंत्रणेच्या हाती लागत आहेत. त्यामुळे त्याचा फास आवळणार की त्यालाही मुक्त सोडणार हाच खरा कळीचा मुद्दा आहे.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
