राष्ट्रीय पिछडा वर्ग मोर्चाचे राष्ट्रीय अध्यक्ष चौधरी विकास पटेल यांचे स्पष्टीकरण
लखनौ: ओमीक्रॉनचा प्रभाव व पाच राज्यांच्या निवडणुका लक्षात घेऊन ३१ जानेवारी, २०२२ चा भारत बंद स्थगित करण्यात आला असून योग्यवेळी होईल भारत बंदची घोषणा केली जाईल असे स्पष्टीकरण राष्ट्रीय पिछडा वर्ग मोर्चाचे राष्ट्रीय अध्यक्ष चौधरी विकास पटेल यांनी दिले आहे.
ते म्हणाले, राष्ट्रीय पिछडा वर्ग मोर्चाच्या माध्यमातून जातीनिहाय जनगणना आधारित अन्य विषयावर १० मुद्यांना घेऊन पाच चरणात राष्ट्रव्यापी आंदोलन घोषित करण्यात आले होते. त्याअंतर्गत चार चरणातील आंदोलन झाले आहेत. पाच चरणातील भारत बंद आंदोलन ३१ जानेवारी, २०२२ रोजी करण्यात येणार होता. सार्या देशभरात राष्ट्रीय पिछडा वर्ग मोर्चा, बामसेफ, भारत मुक्ती मोर्चा, बहुजन क्रांती मोर्चाचे कार्यकर्ते या भारत बंदच्या तयारीसाठी कामाला लागले होते.
भारत बंदची घोषणा केल्यानंतर दोन प्रमुख घटना समोर आल्या. पहिली घटना देशभरात कोविडचा ओमीक्रॉन मोठे प्रमाणात वाढले. दुसरी घटना केंद्रीय निवडणूक आयोगाने पाच राज्यांच्या निवडणुका घोषित केल्या आणि आदर्श आचारसंहिता लागू करण्यात आली. ओमीक्रॉनचा वाढणारा प्रभाव व कार्यकर्त्यांची आणि देशवासियांची सुरक्षा लक्षात घेऊन तसेच निवडणुकीच्या पार्श्वभूमीवर धारा १४४ लावण्यात आले आहे. या दोन्ही बाबी लक्षात घेता ३१ जानेवारी,२०२२ चा भारत बंद स्थगित करत आहोत. तर योग्य वेळी भारत बंदची घोषणा करण्यात येईल.
उत्तर प्रदेशात आणखी मोठी घटना घडली, ती म्हणजे एससी, एसटी, ओबीसी व मायनॉरिटी व शोषित, वंचित लोकांनी भागीदारी परिवर्तन मोर्चा गठीत केला. त्यामध्ये बामसेफव भारत मुक्ती मोर्चाचे राष्ट्रीय अध्यक्ष वामन मेश्राम, एआयएमआयएमचे प्रमुख असदुद्दीन ओवेसी, जनाधिकार पार्टीचे राष्ट्रीय अध्यक्ष बाबूसिंग कुशवाह या तीन प्रमुख लोकांनी उत्तर प्रदेश निवडणुकीसाठी आघाडी घोषित केली.
राष्ट्रीय पिछडा वर्ग मोर्चा गेल्या अनेक वर्षापासून जे मुद्दे घेऊन लढत आहे, ज्या मुद्यांसाठी आम्ही भारत बंद करणार होतो, ते सारे मुद्दे भागीदारी परिवर्तन मोर्चाने हाती घेतले आहेत. त्यासाठी राष्ट्रीय पिछडा वर्ग मोर्चा भागीदारी परिवर्तन मोर्चाचे समर्थन करत आहे. तर भागीदारी परिवर्तन मोर्चाच्या माध्यमातून जे उमेदवार उभे राहणार आहेत त्यांना तन, मन, धनाने सहकार्य करावे व त्यांना विधानसभेत पाठवण्याचे काम करावे असे आवाहन करत आहोत.
कारण आम्ही रस्त्यावर लढत आहोत, त्या लढ्याला कायदेशीर स्वरूप प्राप्त व्हावे म्हणून जेथे कायदे बनतात तेथे आपल्या लोकांना पाठवले पाहिजे. त्यामुळे आमच्या मागणीला आणखी पाठबळ मिळून त्या लागू केल्या जातील अपेक्षा चौधरी विकास पटेल यांनी व्यक्त केली.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.comAll content © Mulniwasi, unless otherwise noted or attributed.
It is clear from that the lack of representation given to our collective voices over so many issues and not least the failure to uphold the Constitution - that we're facing a crisis not only of leadership, but within the entire system. We have started our “Mulnivasi Nayak“ on web page to expose the exploitation and injustice wherever occurring by the brahminical forces & awaken the downtrodden voiceless & helpless community.
Media is playing important role in democracy. To form an opinion is the primary work in any democracy. Brahmins and Banias have controlled the fourth pillar of the democracy, by which democracy is in danger. We have the mission to save the democracy & to make it well advanced in common masses.