शरद पवारांनी बोलावलेल्या बैठकीत ईव्हीएम मुद्यावर होणार चर्चा
Published On : 23 Mar 2023 By : MN Staffशेयर करा:
वामन मेश्राम यांनी काढलेल्या ईव्हीएम भंडाफोड राष्ट्रव्यापी परिवर्तन यात्रेचा परिणाम
नवी दिल्ली: २०२४ च्या लोकसभा निवडणुकीच्या पार्श्वभूमीवर राष्ट्रवादी कॉंग्रेसचे अध्यक्ष शरद पवार यांनी गुरुवार, २३ मार्च रोजी दिल्लीत विरोधी पक्षनेत्यांची बैठक बोलावली आहे. या बैठकीत इलेक्ट्रॉनिक व्होटिंग मशीनसह (ईव्हीएम) विविध राजकीय मुद्यांवर या बैठकीत विचारमंथन होणार आहे. दरम्यान, भारत मुक्ती मोर्चाचे राष्ट्रीय अध्यक्ष वामन मेश्राम यांच्या नेतृत्वाखाली काढलेल्या ईव्हीएम भंडाफोड राष्ट्रव्यापी परिवर्तन यात्रेचा परिणाम झाल्याने ईव्हीएमवर चर्चा केली जाणार आहे.
सायंकाळी ६ वाजता ही बैठक होत आहे. निर्भय, नि:पक्षपाती निवडणुकीसाठी ईव्हीएम यंत्रणा अचूक व कार्यक्षम असणे आवश्यक असून त्याबाबत काही शंका-कुशंका असल्यास केंद्रीय मुख्य निवडणूक आयुक्तांनी लक्ष घालणे आवश्यक आहे. काही तज्ज्ञांच्या मते चिप बसवलेल्या कोणत्याही मशीनला हॅक करता येणे शक्य आहे. यासंदर्भात माहिती-तंत्रज्ञान क्षेत्रातील काही तज्ज्ञ आणि क्रिप्टोग्राफर्स या बैठकीत मार्गदर्शन करणार आहेत.
गेल्या काही दिवसापूर्वी देशातील ९ विरोधी पक्षांच्या नेत्यांनी प्रधानमंत्री नरेंद्र मोदींना पत्र लिहिलं होतं. या पत्रातून विरोधी पक्षाच्या नेत्यांनी भाजपकडून केंद्रीय तपास यंत्रणांचा गैरवापर केला जात असल्याचा आरोप केला होता. राज्यपालांमुळं केंद्र आणि राज्यातही तणाव वाढल्याचा आरोपही विरोधी पक्षांनी केला होता. केंद्रीय तपास यंत्रणांनी कारवाई करुन भाजप सोडून इतर राजकीय पक्षांना सातत्यानं गोत्यात आणल्याचा आरोप पत्रातून केला आहे. विरोधी पक्षनेत्यांनी प्रधानमंत्री मोदींना पत्र लिहून सीबीआय आणि ईडीचा गैरवापर केल्याचा आरोप केला आहे. या कारवाईमुळं तपास यंत्रणेच्या विश्‍वासार्हतेला तडा जात असल्याचंही विरोधकांनी म्हटलं होतं.
PAY BACK TO THE SOCIETY NATIONWIDE AGITATION FUNDDonate Here
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
