शेतकरी आत्महत्या हा काही नवीन विषय नाही
Published On : 13 Mar 2023 By : MN Staffशेयर करा:
कृषीमंत्री अब्दुल सत्तार यांनी शेतकर्‍यांची उडवली टिंगल
मुंबई: आस्मानी संकटाने शेतकर्‍यांच्या तोंडाशी आलेला घास हिरावून घेलता गेला असतानाच राज्याचे कृषीमंत्री अब्दुल सत्तार यांनी शेतकरी आत्महत्या हा काही नवीन विषय नाही असे सांगत शेतकर्‍यांची टिंगल उडवली आहे. सत्तार यांनी बेजबाबदार विधान केल्याने विरोधकही आक्रमक झाले आहेत.
एकीकडे तरूण बेरोजगारीमुळे त्रस्त असताना शेतकरी आस्मानी संकटात सापडला आहे. अवकाळी पावसाने दाणादाण उडवल्याने शेतकर्‍यांचे गहू, मका, हरभरा, भाजीपाला, फळबागा आदींचे नुकसान झाले. धक्कादायक बाब म्हणजे कृषीमंत्र्यांच्या औरंगाबाद जिल्ह्यात आठवड्यात ७ शेतकर्‍यांनी आत्महत्या केल्या. एकट्या सिल्लोडमध्ये ४ जणांनी जीवन संपवले. त्यामुळे सत्तार यांच्या राजीनाम्याची मागणी होत आहे. यादरम्यान सत्तार यांनी सोयगावमधील नुकसानीची पाहणी केली. तेथे प्रसारमाध्यमांशी बोलताना त्यांनी हे वादग्रस्त विधान केले.
शेतकर्‍यांच्या आत्महत्या हा काही आजचा विषय नाही. अनेक वर्षापासून शेतकरी आत्महत्या करत आहेत असे विधान सत्तार यांनी केले. त्यामुळे शेतकर्‍यांमध्ये संतापाचे वातावरण असून विरोधकांनीही हा मुद्दा उचलून धरला आहे. अर्थसंकल्पीय अधिवेशनात हा मुद्दा गाजण्याची शक्यता आहे. शेतकर्‍यांच्या आत्महत्या हा नवीन विषय नाही. त्या नेहमीच्याच आहेत अशाप्रकारे कृषीमंत्री वक्तव्य करत असतील तर राज्य सरकार शेतकर्‍यांकडे कसे पाहतेय हे समोर आले आहे. हे राज्य सरकार शेतकर्‍यांची काळजी न घेणारे आहे. राज्य सरकार शेतकरीविरोधी धोरण राबवत असल्याची टीका राष्ट्रवादीचे प्रदेशाध्यक्ष व माजी मंत्री जयंत पाटील यांनी केली आहे.
PAY BACK TO THE SOCIETY NATIONWIDE AGITATION FUNDDonate Here
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
