विधानसभा असो वा लोकसभा, निवडणूक आयोगच भाजपाला जिंकून देतेय प्रत्येक निवडणूक
Published On : 19 Aug 2022साझा करें:
अखिलेश यादव यांना उशिरा सुचले शहाणपण
लखनौ: ईव्हीएम घोटाळा करण्यास केंद्रीय निवडणूक आयोगच भाजपाला मदत करतेय असे अनेकदा बामसेफचे राष्ट्रीय अध्यक्ष वामन मेश्राम यांनी विविध राजकीय नेत्यांना सांगितले आहे. त्यात समाजवादी पक्षाचे अध्यक्ष अखिलेश यादवदेखील आहेत. मात्र मेश्राम यांनी वेधलेल्या मुद्याकडे अखिलेश यादव यांनी आजपर्यंत दुर्लक्ष केले. मात्र आता त्यांना उशिरा शहाणपण सुचले असून विधानसभा असो वा लोकसभा, निवडणूक आयोगच भाजपाला प्रत्येक निवडणूक जिंकू देत असल्याचा हल्लाबोल त्यांनी केला आहे.
उत्तर प्रदेश विधानसभा निवडणुकीत समाजवादी पक्षाला पराभवाला सामोरं जावं लागल्यानंतर पक्षानं अजूनही निवडणूक निकालावर बैठक घेतलेली नाही. निवडणूक निकालात आपलाच विजय होईल असा विश्‍वास अखिलेश यादव यांना होता. तसं ते ठामपणे आपल्या कार्यकर्त्यांनाही सांगत होते.
त्यांनीच आता पराभवासाठी निवडणूक आयोगाला जबाबदार धरण्यास सुरुवात केली आहे. उत्तर प्रदेशातील निवडणूक निकालाला निवडणूक आयोग जबाबदार असल्याचं विधान त्यांनी केलं आहे. त्यांनी यावेळी पहिल्यांदात एका मुलाखतीत आझमगढ आणि रामपूर लोकसभा निवडणुकीत झालेल्या पराभवावरही प्रतिक्रिया दिली.
अखिलेश यादव यांनी निवडणूक आयोगासोबतच भाजपाला बेईमान ठरवलं आहे. अखिलेश यादव सध्या २०२४ सालच्या लोकसभा निवडणुकीसाठी तयारी करत आहेत आणि अशात त्यांनी भाजपाच्या विजयामागे कसं सरकारी यंत्रणांचा हात आहे हे कार्यकर्त्यांना पटवून देण्यास सुरुवात केली आहे.
पक्षात भाजपाविरोधी वातावरण धगधगतं राहील याची ते काळजी घेत आहेत. विधानसभा निवडणूक असो की लोकसभेची दोन जागांची पोटनिवडणूक समाजवादी पक्षाच्या पराभवाचे कारण निवडणूक आयोग आहे. भाजपच्या बेईमानीमुळे पराभव झाला. आयोगाने प्रामाणिकपणे काम केले असते तर निकाल वेगळे दिसले असते, असा दावा अखिलेश यादव यांनी केला आहे.
सपाचे अध्यक्ष अखिलेश यादव यांनी लोकशाही वाचवण्याचं आवाहन करत राज्यातील मागील विधानसभा निवडणूक लढवली होती. आता देशातील कोणतीही संस्था तटस्थ राहिलेली नाही. सरकारकडून दबाव आणून या संस्थांकडून अपेक्षित काम करून घेतले जाते.
निवडणूक आयोगाने निवडणुकीत प्रामाणिकपणे काम केले नाही. मतदार यादीतून मोठ्या प्रमाणात नावे वगळण्यात आली, असा आरोप यादव यांनी केला आहे. रामपूर लोकसभा पोटनिवडणुकीत सपा कार्यकर्त्यांना मताचा अधिकार बजावण्यापासून रोखण्यात आले. आझमगढमध्ये सपा कार्यकर्त्यांविरोधात रेड कार्ड जारी करण्यात आले. निवडणूक आयोग झोपले होते का? त्यांनी आमच्या तक्रारींची दखल घेतली नाही, असेही ते म्हणाले.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
