२३ इंडियन इन्स्टिट्यूट ऑफ टेक्नॉलॉजीमध्ये ४ हजार ५०० हून अधिक प्राध्यापक पदे रिक्त
Published On : 7 Aug 2022साझा करें:
केंद्रीय शिक्षण मंत्रालयाची माहिती
नवी दिल्ली: देशातील २३ इंडियन इन्स्टिट्यूट ऑफ टेक्नॉलॉजीमध्ये ४ हजार ५०० हून अधिक प्राध्यापक पदे रिक्त आहेत. शिक्षण मंत्रालयाने राज्यसभेत ही माहिती दिली आहे. त्यामुळे या जागा केव्हा भरणार असा सवाल निर्माण झाला आहे.
खरगपूरमध्ये ७९८ आणि मुंबईमध्ये ५१७ प्राध्यापकांची पदे रिक्त आहेत, जी देशातील इतरांच्या तुलनेत सर्वाधिक आहे. मद्रासमध्ये ४८२ प्राध्यापक पदेही रिक्त आहेत. एकूण ४ हजार ५९६ प्राध्यापक पदे रिक्त आहेत.
केंद्रीय शिक्षण राज्यमंत्री सुभाष सरकार यांनी सांगितले की, ही रिक्त पदे भरणे ही एक सतत प्रक्रिया आहे आणि आयआयटी जाहिराती जारी करतात, ज्या सर्व उमेदवारांसाठी वर्षभर खुल्या असतात. शिक्षण मंत्रालयाने सर्व आयआयटींना ही रिक्त पदे भरण्यासाठी मिशन मोडमध्ये विशेष भरती मोहीम सुरू करण्याची विनंती केली आहे आणि बहुतेक संस्थांनी प्रक्रिया सुरू केली आहे.
आयआयटी धनबाद (४४६ पदे), रुरकी (४१९ पदे), कानपूर (३८२ पदे) आणि गुवाहाटी (३०७ पदे) आहेत. सर्व जुन्या आयआयटीमध्ये ३०० हून अधिक जागा रिक्त आहेत. याशिवाय, जोधपूरमध्ये १३८, भुवनेश्‍वरमध्ये ११४, हैदराबादमध्ये ११३ आणि पटनामध्ये ९७ जागा रिक्त आहेत. आयआयटी दिल्लीमध्ये ५२, आयआयटी तिरुपतीमध्ये १५ आणि आयआयटी पलक्कडमध्ये २७ पदे रिक्त आहेत.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
