कोरोना काळात जगात दर ३० तासांनी एका अब्जाधीशाचा उदय, तर दर ३३ तासांनी १० लाख लोक होणार अत्यंत गरीब
Published On : 23 May 2022साझा करें:
वर्ल्ड इकॉनॉमिक फोरमच्या बैठकीत ऑक्सफॅम इंटरनॅशनलचा अहवाल
दावोस: स्वित्झर्लंडमधील दावोस येथे वर्ल्ड इकॉनॉमिक फोरमच्या वार्षिक बैठकीसाठी (वर्ल्ड इकॉनॉमिक फोरम २०२२) जगभरातील श्रीमंत आणि शक्तिशाली लोक येथे दाखल झाले आहेत. या प्रसंगी ऑक्सफॅम इंटरनॅशनलने सोमवारी सांगितले की, कोरोनाच्या काळात जगात दर ३० तासांनी एक नवीन अब्जाधीश उदयास आला. उलट यावर्षी आता दर ३३ तासांनी १० लाख लोक गरिबीच्या खाईत लोटले जाणार आहेत. या अहवालामुळे झोप उडाली आहे.
दावोसमध्ये ‘प्रॉफिटिंग फ्रॉम पेन’ या शीर्षकाने प्रसिद्ध झालेल्या या अहवालात ऑक्सफॅमने हा मोठा दावा केला आहे. जीवनावश्यक वस्तूंच्या किमती मागील दशकांच्या तुलनेत झपाट्याने वाढल्याचे अहवालात म्हटले आहे. अन्न आणि ऊर्जा क्षेत्रातील अब्जाधीश दर दोन दिवसांनी त्यांची संपत्ती १ अब्जने वाढवत आहेत. वर्ल्ड इकॉनॉमिक फोरम ही सार्वजनिक-खाजगी भागीदारीची आंतरराष्ट्रीय संस्था आहे. दावोसमध्ये दोन वर्षांनंतर त्याची बैठक होत आहे. कोरोनामुळे दोन वर्षे ही बैठक होऊ शकली नव्हती.
ऑक्सफॅम आंतरराष्ट्रीय कार्यकारी संचालक गॅब्रिएला बुचर यांनी अहवालात म्हटले आहे, जगातील अब्जाधीश दावोस येथे येत आहेत. कोरोना आणि आता अन्न आणि ऊर्जेच्या किमतीत झालेली प्रचंड वाढ त्यांच्यासाठी लाभदायी ठरत आहे. दुसरीकडे, लोकांना अत्यंत गरिबीतून बाहेर काढण्यासाठी अनेक दशकांची प्रगती व्यर्थ ठरली आहे आणि लाखो लोक केवळ जगण्यासाठी अभूतपूर्व महागाईचा सामना करत आहेत.
ऑक्सफॅमने असा अहवाल दिला आहे की कोरोना दरम्यान दर ३० तासांनी एक नवीन अब्जाधीश उदयास आला आहे. या दरम्यान एकूण ५७३ लोक नवीन अब्जाधीश झाले आहेत. संस्थेने म्हटले आहे की आम्हाला भीती आहे की यावर्षी दर ३३ तासांनी १० लोकांच्या दराने २६.३० कोटी लोक अत्यंत गरिबीचे बळी होतील.
हुशारीमुळे नव्हे तर अनेक दशकांच्या हेराफेरीचा फायदा अब्जाधीशांना
अहवालात म्हटले आहे की कोविड-१९ च्या पहिल्या दोन वर्षांत अब्जाधीशांच्या संपत्तीत गेल्या २३ वर्षांपेक्षा जास्त वाढ झाली आहे. जगातील अब्जाधीशांची एकूण संपत्ती आता जागतिक जीडीपीच्या १३.९ टक्के इतकी आहे. २००० मध्ये ती ४.४ टक्के होती, जी तीन पटीने वाढली आहे. बुचर म्हणाले की अब्जाधीश हुशार आहेत किंवा कठोर परिश्रम करतात म्हणून नाही तर अतिश्रीमंत आता अनेक दशकांच्या हेराफेरीचा फायदा घेत आहेत. खासगीकरण आणि मक्तेदारीमुळे त्यांनी जागतिक संपत्तीचा मोठा हिस्सा बळकावला असून टॅक्स हेव्हन्स बनलेल्या देशांमध्ये आपली संपत्ती लपवून ठेवली आहे.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
