×

रोजच्या भाकरीच्या विवंचनेत कुठून देणार ऑनलाईन शिक्षण

Published On :    2 Aug 2020
साझा करें:

संपूर्ण जग सध्या कोरोना महामारीच्या सावटाखाली जगत आहे. या संकटाशी मुकाबला करण्यासाठी करण्यात आलेले लॉकडाऊन..लॉक-अनलॉक करत सुरुच आहे. या काळात सर्व जगात विविध पातळ्यांवर स्थित्यंतर घडून आले आहेत. संपूर्ण जगातील अर्थव्यवस्था पार कोलमडून निघाली. आरोग्यक्षेत्रावर प्रचंड ताण आलेला आहे.



संपूर्ण जग सध्या कोरोना महामारीच्या सावटाखाली जगत आहे. या संकटाशी मुकाबला करण्यासाठी करण्यात आलेले लॉकडाऊन..लॉक-अनलॉक करत सुरुच आहे. या काळात सर्व जगात विविध पातळ्यांवर स्थित्यंतर घडून आले आहेत. संपूर्ण जगातील अर्थव्यवस्था पार कोलमडून निघाली. आरोग्यक्षेत्रावर प्रचंड ताण आलेला आहे. त्याला शिक्षणक्षेत्रही याला अपवाद राहीले नाही.शिक्षणक्षेत्रावर तर खूप खोलवर परीणाम झाले. साशंकता, अनिश्‍चिततेच्या खोल गर्तेत प्रत्येकजन वावरतोय. या सर्व बदलांना मोठी माणसे जेवढी होरपळून निघाली त्यापेक्षा किंबहुना जास्त आघात कोवळ्या जीवांनाच करावे लागतो आहे.


यंदा १५ जूनपासून शाळांना पर्याय म्हणून ऑनलाईन शिक्षण सुरु करण्यात आले. उच्चभ्रू वर्ग, मध्यमवर्गीय यांना हा पर्याय परवडणारा आहे. त्यामुळे ते सहज स्वीकारले गेले. काही पालकांनी चला मुले गुंतली एकदाची म्हणून सुटकेचे उसासेही टाकले. परवडणार्‍यांसाठी शिक्षणाची दारं खुली झाली,पण गरीब वर्गाचे काय? आजही भारतीय लोकसंख्येत तुलनेने खूप मोठा वर्ग हातावर पोट भरणारा आहे. त्यांची मुले स्थानिक स्वराज्य संस्थांच्या शाळेत शिकतात. 


त्यांच्या ऑनलाईन शिक्षणाचं काय? या शिक्षणासाठी स्मार्ट फोन,३ जी/४ जी डेटा हवाच. शिक्षण विभागाच्या सर्वेनुसार डिजिटल शिक्षणाच्या प्रवाहातून १८ टक्के विद्यार्थी पूर्णपणे बाहेर गेलेत, तर ६५ टक्के विद्यार्थ्यांकडे स्मार्टफोनच नाहीत.या साधनांच्या अभावाने या वर्गासाठी शिक्षणाची दारं आपसूकच बंद झालेली आहेत. यानिमित्ताने भारत व इंडिया मधील दरी आधिकच खोल होत आहे आणि ती स्पष्टपणे दिसत आहे.


ऑनलाईन शिक्षणासाठी मुलांनी आत्महत्या केल्याच्या घटना मन हेलवणार्‍या आहेत.केरळसारख्या प्रगत राज्याने राष्ट्रीय वाहिनीवर शिक्षण सुरु केले. एका नववीच्या हुशार विद्यार्थीनीने टी.व्ही.संचाच्या उपलब्धतेअभावी आत्महत्या केली. सांगलीतील जत तालुक्यातील घटनाही अशीच हृदयद्रावक.वडील शेतमजूर असल्याने घरची परिस्थिती बेताची.


वडीलांनी थोडे दिवस थांब,पैसे आले की घेवून देतो असे सांगितले. पण आपण अभ्यासात मागे पडू या तणावापायी याही मुलाने गळफास घेऊन आत्महत्या केली.मुलं किती प्रचंड दबावाखाली जगत आहेत. हे यातून लक्षात येतय. त्या आईबापांनीही काय करायचं आधीच हाताला काम नाही, रोजच्या भाकरीच्या विवंचनेत जगणार्‍या पालकांनी कसं निभवायचं सुजाण पालकत्व!


मुलं शाळेत येतात तेव्हा विविध उपक्रमांमधून त्यांना बालपण अनुभवता येतं. एरवी बालपण अनुभवायला मिळणं ही विशिष्ट वर्गातल्या मुलांनाच सहज शक्य आहे. शाळा बंद असल्याने दुर्बल घटकांतील मुल सरळ बालमजुरीकडे ओढली जात आहे. ग्रामीण भागात पूर्वप्राथमिक शिक्षण झाल्यापासूनच मुलींवर बंधने यायला सुरु होतात. गल्लीत खेळायचं नाही, रस्त्याने चालतांना मान खाली करुन चालायचे,कमी बोलायचे त्यामुळे अशा मुलींसाठी तर शाळा हक्काचे ठिकाणं असते. 


जिथे मैत्रीणींसोबत मनसोक्त गप्पा,खेळ,गाणी होतात. मुली प्रश्न विचारु शकतात. अशी मुक्त बागडणारी फुलपाखरे आता घरकामात कैद झालीत. लहान भावंड सांभाळणे, दिवसभर घरकाम किंवा शेतातील कामात या कळ्या कोमेजून चालल्यात. तसेच वयात आलेल्या मुली पालकांच्या जीवाला घोर अशी पूर्वापार समजेने आता व्यापक रुप घेतले आहे. बालविवाहाचे प्रमाण येत्या काही दिवसात वाढलयं. सध्याच्या परिस्थितीत मोजक्याच लोकांच्या उपस्थितीत करायचा नियम त्यामुळे चर्चा होण्याचा प्रश्‍नही उरला नाही.


ग्रामीण भागात बरेच पालक मुलभूत प्रश्‍न बाजूला ठेवून मुलांच्या शिक्षणासाठी तजवीज करतांना दिसत आहेत. स्मार्टफोन घेण्यासाठी प्रसंगी गायही विकत आहेत. बरं एवढं ओढूनताणून स्मार्टफोन घरात येतोय पण शिक्षण घडतयंच असं नाही. पालक कामानिमित्त शेतात जातात मुलं ऑनलाईन शिक्षणाच्या नावाखाली किशोरवयीन मुले टोळक्या टोळक्याने कट्ट्यावर बसून नेमकं काय बघतात हे  त्यांची सैरभैर झालेली नजरच काय ते सांगून जाते. असलं शिक्षण नक्कीच त्यांच्यासाठी दिशाभूल करणारं ठरेल यात वाद नाही.


केरळ राज्याच्या धर्तीवर आपल्याकडे राष्ट्रीय वाहिनीवर आनंददायी शिक्षणाचा अनुभव देणारी ‘टिलीमिली’ ही महामालिका सुरु करण्यात आली. काही नसल्यापेक्षा हे बरे म्हणून सुरुवातीला समाधान वाटले पण या शैक्षणिक मालिकेची वेळ बघता यावेळेत लहान मुलांच्या जीवावर घर सोडता येत नसल्याने पालक मुलांना आपल्या सोबत कामावर घेऊन जात आहेत. विजेचा प्रश्‍न आहेच. शिवाय दूरदर्शन संचही नसलेला आर्थिक दुर्बल वर्ग आहेच. 


ग्रामीण भागातील प्रत्येक मुलांपर्यंत शिक्षण पोहोचण्याची शक्यताही धूसर वाटते. आमच्या जालन्यासारख्या छोट्या पण प्रयोगशील जिल्ह्यात काही शिक्षक बंधु-भगिनींनी यु ट्युबवर पाठ्यक्रमाचे व्हीडीओ बनवले. ही खरचं कौतुकास्पद गोष्ट आहे.इतर शिक्षक व्हॉटसऍपच्या माध्यमातून विद्यार्थ्यांशी संपर्कात आहेत. पण तरीही शिक्षक म्हणून प्रत्येकाच्या मनात आपण वंचित मुलांपर्यंत पोहोचू शकत नाही ही खंत आहेच.


देशाच्या एकूण अर्थसंकल्पात शिक्षणावर होणारा खर्चही यानिमित्ताने लक्षात घ्यायला हवा. मागील वर्षीच्या अर्थसंकल्पात ४.६ टक्के अत्यंत कमी असा आहे. निवडणुका आल्यावर हातावर पोट असणार्‍या घटकांची कणव येणार्‍यांना सामाजिक भान दाखवावे. अन्न,आरोग्य,शिक्षण,रोजगार हे जगण्याचे प्राधान्यक्रम हवे पण मनुवादी विषमतेची उतरंड सशक्तकरणार्‍या मंदिरांना प्राधान्यक्रम असेल तर प्रत्येक नागरिकाने याचा सखोल विचार करावा. 


मुले म्हणजे उद्याचे भविष्य. त्यांच्या शिक्षणावर शासनाने केलेला खर्चच आपल्याला विकसित राष्ट्राकडे वाटचाल करणारं प्रभावी पाऊल ठरेल. अजून किती काळ असा जाणार याची आनिश्‍चितता पण हेही दिवस जातील. हे मळभ झालेले आकाश स्वच्छ होईल. शाळेचा किलबिलाट पुन्हा सुरु होईल. या निमित्ताने एक अपेक्षा ठेवू की फिनिक्स पक्षाप्रमाणे भरारी घेऊन वंचितांचे शैक्षणिक नुकसान नक्कीच शिक्षक,पालक,समाजाच्या समन्वयाने भरुन काढू.


ज्योती थोटे (गुळवने)

९८५०२११९४३

संपर्क करा

आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:

email : news@mulniwasinayak.com

MN News On Facebook

लोक​प्रिय
मुंबईतील छत्रपती शिवाजी महाराज रेल्वे टर्मिनस खासगी हा
नीरव मोदी, मेहुल चोक्सी यांनी चुना लावूनही पंजाब नॅशनल ब
कांदा निर्यातबंदीतून होणारा पाकिस्तानचा आर्थिक लाभ हा
बारामतीत उपमुख्यमंत्र्यांच्या निवासस्थानासमोर ‘ढोल ब
राणा कपूरचा लंडनमधील १२७ कोटींचा फ्लॅटही ईडीच्या रडारव
सुट्या सिगारेट आणि विडी विक्रीवर बंदी लादताना संपूर्ण प
गुजरातमधील आयुष विभागात निकृष्ट दर्जाची औषध
गुजरात बामसेफचे वरिष्ठ कार्यकर्ते ऍड.देवजीभाई महेश्‍वर
पीएम किसान योजनेत तामिळनाडूपाठोपाठ महाराष्ट्रातही घोट
भारतीय लोकशाही Largest नौटंकी in the world
बुध्दकालीन ऐतिहासिक वारसा नष्ट करण्याचे काम ब्राम्हणां
बिहार विधानसभा निवडणुकीचे रणशिंग फुंकले; १० नोव्हेंबरल
डहाणू, तलासरीत दोन वर्षांत ९३ लहानमोठे भूकंपाचे धक्के
तब्बल ५ हजार ७४२ कोटींची वीज बिले थकली
मंडल आयोग, गुजरात दंगल धडे वगळले
उमरचा खालिदचा गुन्हा काय?
एक लाखाचे बिल; तीन लाख भरले असतानाही मृतदेह रोखला!
फेसबुकवरील ‘कपल चॅलेंज’ पासून सावधान
राज्यात केंद्राच्या कृषी व कामगार विधेयकाची अंमलबजावणी
कंपनीने कराराची पूर्तता केलीच नाही
COPYRIGHT

All content © Mulniwasi, unless otherwise noted or attributed.


ABOUT US

It is clear from that the lack of representation given to our collective voices over so many issues and not least the failure to uphold the Constitution - that we're facing a crisis not only of leadership, but within the entire system. We have started our “Mulnivasi Nayak“ on web page to expose the exploitation and injustice wherever occurring by the brahminical forces & awaken the downtrodden voiceless & helpless community.

Our Mission

Media is playing important role in democracy. To form an opinion is the primary work in any democracy. Brahmins and Banias have controlled the fourth pillar of the democracy, by which democracy is in danger. We have the mission to save the democracy & to make it well advanced in common masses.

© 2018 Real Voice Media. All Rights Resereved
 e - Newspaper